پی ٹی آئی کا فیصل آباد، بہاولپور اورمیانوالی میں آج احتجاج

تحریک انصاف کی طرف سے آج احتجاج کے اعلان کے بعد فیصل آباد، میانوالی اور بہاولپور میں مختلف مقامات پر پولیس تعینات ہے۔ فیصل آباد میں چوک گھنٹہ گھر، آٹھ بازاروں کے انٹری پوائنٹس اور اہم چوکوں پر پولیس تعینات ہے۔  موٹر وے ایم فور انٹرچینج کو کنٹینرز لگا کر بند کر دیا گیا ہے۔شہر میں دفعہ 144 نافذ ہے، جس کی وجہ سے سیاسی اجتماعات، ریلیوں اور جلسوں پر پابندی  ہے۔ آج احتجاج کی کال پر بہاولپور کے مختلف مقامات پر پولیس کی نفری تعینات ہے اور شہر میں دفعہ 144نافذ ہے۔ شہر کے سرکلر روڈ، فرید گیٹ، چوک سرائیکی اور ملتان روڈ پر ٹریفک معمول کے مطابق رواں دواں ہے اور شہر میں دکانیں معمول کے مطابق کھلی ہوئی ہیں۔