وزیراعظم اور صدر کی مبارک بادیں

صدر پاکستان عارف علوی نے بذریعہ ٹوئٹ شاہد آفریدی کو ان کی بیٹی انشا کے نکاح پر مبارک باد دی ہے۔ صدر نے شاہین اور انشا کے لیے نیک خواہشت کا اظہار کیا جس کے جواب میں آفریدی نے صدر پاکستان کا شکریہ ادا کیا۔

Thank you for your warm wishes Mr. President. https://t.co/548O1ulvY0

— Shahid Afridi (@SAfridiOfficial) February 4, 2023

دوسری جانب وزیراعظم شہباز شریف نے باقاعدہ خط لکھ کر نکاح میں شرکت نہ کرنے پر معذرت کی ہے۔ وزیراعظم کے مطابق وہ مصروفیات کی بنا پر اس یادگار تقریب میں نہ آسکے لیکن شاہد آفریدی کی بیٹی کے لیے نیک خواہشات کا اظہار کرتے ہیں۔ شاہد آفریدی نے وزیراعظم شہباز شریف کا بھی شکریہ ادا کیا اور بیٹی اور داماد کے لیے دعاؤں کی درخواست کی ہے۔ یاد رہے کہ جمعے کو کراچی میں شاہد آفریدی کی بیٹی انشا کا شاہین شاہ آفریدی سے نکاح ہوا تھا۔