شکیب الحسن آخری میچ سے باہر

بنگلہ دیشی کرکٹ ٹیم کے کپتان شکیب الحسن عالمی کرکٹ کپ کے آخری میچ سے انجری کے باعث باہر ہوگئے ہیں۔ بنگلہ دیش کو 11 نومبر کو آسٹریلیا سے میچ کھیلنا ہے لیکن اس میچ میں ٹیم کو کپتان شکیب الحسن کی خدمات حاصل نہیں ہوں گی۔ شکیب الحسن کی سری لنکا کے خلاف میچ کے دوران بائیں ہاتھ کی انگلی میں انجری ہوگئی تھی۔ یاد رہے کہ شکیب الحسن پیر سے خبروں میں ہے۔ بالخصوص سری لنکن آل راؤنڈر میتھوز کے ٹائم آؤٹ کی اپیل کے بعد ان پر کڑی تنقید کی جارہی ہے۔ اُدھر میتھوز کا پریس کانفرنس میں کہنا تھا کہ وہ شکیب اور بنگلہ دیش کرکٹ ٹیم کی بہت عزت کرتے تھے لیکن پیر کے واقعے نے ساری عزت کھو دی ہے۔