گرفتار ارکان کے پروڈکشن آرڈر جاری

ایاز صادق نے آج تمام سیاسی جماعتوں کی  قیادت کو اسپیکر چیمبر میں طلب کیا ۔اس موقع پر اسپیکر ایاز صادق نے آئی جی اسلام آباد کو طلب کر کے گرفتاریوں پر شدید برہمی کا اظہار  کیا۔ اسپیکر قومی اسمبلی کا کہنا تھا کہ آئی جی  نہ آپ پارلیمنٹ ہاؤس سے کسی کو گرفتار کر سکتے ہیں، نہ پارلیمنٹ لاجز سے، گرفتار پارلمینٹیرینز کو فوراً رہا کیا جائے۔ اس موقع پر انہوں نے  شیر افضل مروت کی گرفتاری کی فوٹیج بھی دیکھی اور اسلام آباد پولیس کے افسران سے دریافت کیا  کہ یہ کیا طریقہ تھا کسی پارلیمینٹیرین کو گرفتار کرنے کا؟ یاد رہے کہ اس سے قبل قومی اسمبلی کے اجلاس کے دوران گفتگو کرتے ہوئے اسپیکر قومی اسمبلی ایاز صادق نے کہا تھا کہ پیر  کے واقعے کے ذمے داروں پر مقدمہ درج کرائیں گے، ان کے خلاف ایکشن لیں گے۔