سوات کے علاقے مدین میں سیالکوٹ سے تعلق رکھنے والے شخص کی طرف سے قرآن شریف کی بے حرمتی پر علاقہ مکین مشتعل ہوگئے ،انہوں نے گستاخ کوآگ لگادی،متعلقہ شخص کی گرفتاری کے نتیجے میں مشتعل عوام نے تھانے پر دھاوا بول دیا۔ پولیس کی جانب سے ہوائی فائرنگ کی گئی لیکن مشتعل افراد نے تھانےمیں داخل ہوکر تھانے کی عمارت اور گرفتار گستاخ کو آگ لگادی، پولیس کا کہنا ہے کہ کئی گاڑیوں کو نذرآتش کیا گیا ۔ متعلقہ شخص کا نام سلیمان بتایا جاتا ہے جس نے قران پاک کی بے حرمتی کی۔لوگوں نے پولیس کو اطلاع دی ۔ جس نے سلیمان کو حراست میں لے کر تھانہ منتقل کیا۔ تھانے کا گھیراؤ کیا گیا اور مشتعل افراد نے ملزم کو پولیس سے چھڑا کر سڑکوں پر گھیسٹا اور پھر اسے آگ لگا کرہلاک کردیا۔ معلوم ہوا ہے کہ اس دوران 11 مقامی افراد بھی زخمی ہوئے ہیں ۔ڈی پی او سوات ڈاکٹر زاہد اللہ سمیت دیگر پولیس آفیسران بھی موقع پر پہنچ گئے ہیں اورکسی بھی ناخوشگوار واقعہ سے نمٹنے کے لئے بھاری نفری علاقے میں طلب کرلی گئی ہے۔ معلوم ہوا ہے کہ سلیمان ایک سیاح کے طور پر مدین کے ہوٹل میں رہائش پذیر تھا۔ واقعے کے بعد مدین میں حالت کشیدہ ہیں اور بازار بند ہیں۔
Discussion about this post