ٹیکس ٹو جی ڈی پی تناسب آئندہ 3 سال میں 13 فیصد تک لے جائینگے، وزیرخزانہ

اسلام آباد میں وزیرِ اطلاعات عطا تارڑ، وزیرِ مملکت علی پرویز ملک اور چیئرمین ایف بی آر راشد محمود لنگڑیال کے ساتھ  پریس کانفرنس کرتے ہوئے محمد اورنگزیب کا کہنا تھا کہ ٹیکس اصلاحات کا اہم کردار ہے۔ جی ڈی پی میں ٹیکس کا تناسب 9 سے 10 فیصد کے درمیان ہے، ترمیمی بل کا مقصد ٹیکسوں کو ساڑھے 13 فیصد تک لانا ہے۔ ٹیکسوں سے متعلق یہ ہدف ہم نے 3 سال میں حاصل کرنا ہے، ٹیکس وصولی میں ٹیکنالوجی بہت اہم ہے، قوم کے ساتھ نئے اقدامات شیئر کرتے رہیں گے۔ٹیکس چوری روکنی ہے، اِن فارمل سیکٹر کو فارمل سیکٹر میں لانا ہے، ٹیکس نظام میں شفافیت لانی ہے۔ایف بی آر کی ٹیکس وصولی میں انسانی مداخلت کم کر رہے ہیں، مجموعی طور پر 71 ارب روپے کا مزید ٹیکس کا پوٹینشل ہے۔