بھارت میں ” دی لیجنڈ آف مولا جٹ ” کی نمائش نہ ہوسکی

پاکستانی شہرہ آفاق فلم کو آج بھارتی ریاست پنجاب اور دہلی کے مختلف سنیما گھروں میں سجنا تھا لیکن اب معلوم ہوا ہے کہ فلم کی نمائش غیر معینہ مدت کے لیے روک دی گئی ہے۔ بھارت میں پاکستانی فلم کے رائٹس خریدنے والے زی اسٹوڈیو پہلے ہی سینٹرل بورڈ آف سرٹی فکٹس سے ” دی لیجنڈ آف مولا جٹ ” کی نمائش کی اجازت حاصل کرچکا ہے لیکن اب سینٹرل بورڈ نے ہی فلم کی نمائش رکوادی ہے۔ اچھی خبر تو یہ ہے کہ فلم کا سنسر سرٹی فکٹ منسوخ نہیں کیا گیا۔ یہ معلوم نہیں ہوسکا کہ فلم کی نمائش کیوں روکی گئی ہے۔