ہش منی کیس میں ٹرمپ کا جرم ثابت، قید نہیں کیا جائے گا

نومنتخب امریکی صدر کو ’ ہش منی‘  کیس میں عدالت سے غیر مشروط رہائی مل گئی، ڈونلڈ ٹرمپ کو  نہ جیل جانا پڑے گا اور نہ ہی کوئی جرمانہ ادا کرنا پڑے گا۔ لیکن اس کا ہرگز یہ معنی نہیں کہ وہ بے قصور ہیں۔ ان پر رقم چھپانے کا جرم ثابت ہوچکا تھا جسے عدالت نے برقرار رکھتے ہوئے یہ جرم ان کے ریکارڈ میں شامل کرنے کا حکم جاری کیا۔ یوں ڈونلڈ ٹرمپ امریکی تاریخ کے پہلے صدر ہوں گے جو مجرمانہ ریکارڈ کے ساتھ عہدہ صدارت سنبھالیں گے تاہم صدارتی استثنیٰ حاصل ہونے کے سبب وہ سزا و جرمانے سے بچ گئے ہیں مگر وہ ان جرائم کے ساتھ حلف اٹھانے والے پہلے صدر ضرور کہلائیں گے۔ ٹرمپ 20 جنوری کو امریکا کے 47 ویں صدر کا عہدہ سنبھالیں گے۔