ٹوبہ ٹیک سنگھ : انسانی حقوق کمیشن کا مقدمے کی پیروی کرنے کا اعلان

ٹوبہ ٹیک سنگھ میں والد اور بھائی کے ہاتھوں قتل ہونے والی لڑکی کا مقدمہ اب انسانی حقوق کمیشن نے خود لڑنے کا اعلان کردیا ہے۔ حال ہی میں  انسانی حقوق کمیشن کے وفد نے مقتولہ لڑکی کے گھر کا دورہ کیا، رشتہ داروں اور اہل محلہ سے تفصیلات اکٹھی کیں۔ کمیشن نے ڈی پی او سے ملاقات میں کیس میں پیشرفت پر معلومات جمع کیں۔ لڑکی  کے قتل کے الزام میں گرفتار باپ اور بھائی کو آج عدالت میں پیش کیا جائے گا۔ یاد رہے کہ ٹوبہ ٹیک سنگھ میں بھائی نے غیرت کے نام پر  جوان بہن کو گھر والوں کے سامنے گلا دبا کر مار ڈالا تھا۔