حسینہ واجد کی بھانجی، سابق برطانوی وزیر کے وارنٹ گرفتاری

بنگلہ دیش کا اینٹی کرپشن کمیشن (اے سی سی) ان الزامات کی تحقیقات کر رہا ہے کہ ٹیولپ صدیق نے اپنی خالہ شیخ حسینہ کی حکومت کی وسیع تر تحقیقات کے حصے کے طور پر غیر قانونی طور پر زمین حاصل کی تھی ۔ اے سی سی ان دعوؤں کی بھی  تحقیقات کر رہا ہے کہ حسینہ واجد اور ان کے اہل خانہ نے بنگلہ دیش میں بنیادی ڈھانچے پر خرچ ہونے والے 3 ارب 90 کروڑ پاؤنڈ ز کی خورد برد کی۔  ٹیولپ صدیق جولائی 2024 میں لندن کے ہیمپسٹیڈ اور ہائی گیٹ حلقے سے رکن پارلیمنٹ بنیں۔

ٹیولپ صدیق کے وکلا نے ان الزامات کی تردید کرتے ہوئے کہا کہ یہ الزامات ’سیاسی انتقام پر مبنی ہیں۔ اے سی سی نے کوئی ثبوت پیش نہیں کیا اور نہ ہی ٹیولپ صدیق کو وارنٹ گرفتاری کے بارے میں آگاہ کیا۔ یاد رہے کہ  برطانیہ کا بنگلہ دیش کے ساتھ حوالگی کا معاہدہ ہے، لیکن بنگلہ دیش کو وزرا اور ججوں کے فیصلہ کرنے سے پہلے حوالگی کی کسی بھی درخواست کی حمایت میں ثبوت فراہم کرنا ہوں گے۔ ٹیولپ صدیق کے وکلا بضد ہیں کہ یہ الزامات مکمل طور پر جھوٹ پر مبنی ہیں۔ اُن کی موکل ٹیولپ صدیق کے پاس بنگلہ دیش میں کبھی زمین کا کوئی پلاٹ نہیں تھا۔