متحدہ عرب امارات: پاکستانیوں کے ویزے رد ہونے کی شرح میں اضافہ

ٹریول ایجنٹس ایسوسی ایشن آف پاکستان کا کہنا ہے کہ متحدہ عرب امارات کے  وزٹ ویزے کی درخواستوں کے لیے بینک اسٹیٹمنٹ 10 لاکھ روپے، کنفرم ریٹرن ٹکٹ اور ہوٹل کی بکنگ کی ضرورت ہے۔ متحدہ عرب امارات کےویزے رد  ہونے کی شرح مبینہ طور پر 99 فیصد تک پہنچ گئی ہے جس کی وجہ اماراتی حکومت کی جانب سے سخت شرائط بھی ہیں۔ میڈیا رپورٹس کے مطابق صرف لاہور سے روزانہ 2 ہزار کے قریب ویزا درخواستیں جمع ہوتی ہیں جن میں سے 99فی صد درخواستیں مسترد کر دی جاتی ہیں۔ جس کی وجہ سے درخواست دہندگان کو 1,500 سے لے کر 2,000 درہم تک کا مالی نقصان سہنا پڑا۔ ٹریول ایجنٹس ایسوسی ایشن آف پاکستان کے مطابق ویزا درخواستوں اور ہوٹل کی بکنگ کی فیسیں بھی ناقابل واپسی ہیں جو درخواست دہندہ  کے مالی بوجھ میں مزید اضافہ کردیتی ہیں۔