آئی سی سی ٹیسٹ درجہ بندی : بابر اور شاہین کی پوزیشن برقرار

انٹرنیشنل کرکٹ کونسل نے ٹیسٹ کھلاڑیوں کی نئی درجہ بندی جاری کردی۔ جس میں بلے بازوں کی درجہ بندی میں 3 بار صفر پر آؤٹ ہونے کے باوجود آسٹریلوی بلے باز لبوشین پہلی پوزیشن پر ہیں۔ دوسرے نمبر پر انگلش کپتان جو روٹ ہیں۔ اسٹیو اسمتھ کا نمبر تیسرا جبکہ پاکستانی کپتان اور مایہ ناز بلے باز بابراعظم کی 5 ویں پوزیشن برقرار ہے۔ بدقسمتی سے ٹاپ ٹین میں بابراعظم کے علاوہ کوئی اور پاکستانی بلے باز جگہ نہیں بناپایا۔ محمد رضوان کا 11 واں نمبر ہے۔

اسی طرح اظہر علی نے 19 ویں پوزیشن پر جگہ بنائی ہے۔ ویرات کوہلی اب 9 ویں درجہ بندی پرپہنچ گئے ہیں۔ بالرز کی بات کی جائے آسٹریلوی کپتان اور فاسٹ بالر پیٹ کمنز کی پہلی پوزیشن برقرار ہے۔ شاہین شاہ آفریدی بدستور چھٹی پوزیشن پر ہیں۔ حسن علی کا نمبر 11 واں ہے۔ ٹیسٹ میچوں کے ٹاپ ٹین آل راؤنڈر میں کوئی بھی پاکستانی اپنی جگہ نہیں بناپایا۔ بھارتی آل راؤنڈر جڈیجہ نے جیسن ہولڈر سے پہلی پوزیشن چھین کر اس پر قبضہ جمایاہے۔