اور آخر کوہلی انوشکا نے بیٹی کی جھلک دکھا ہی دی

کیپ ٹاؤن میں جنوبی افریقا کے خلاف کھیلے گئے تیسرے ون ڈے میچ میں کیرئیر کی 64 ویں نصف سنچری اسکور کی تو ان کی اس شاندار کامیابی پر جہاں کھلاڑیوں اور تماشائیوں نے انہیں دل کھول کر داد دیں، وہیں پویلین میں والدہ انوشکا کی گود میں ننھی منی سی ومیکا نے بھی والد کے کارنامے پر ننھے ہاتھوں سے تالیاں بجائیں۔

Half Century..#Vamika #AnushkaSharma #ViratKohli pic.twitter.com/fK4iD2wM67

— Sandeep (@Sandep_14) January 23, 2022

یہ انوشکا اور کوہلی کی بیٹی کی پہلی جھلک تھی، جو دنیا نے دیکھی۔ اس سے قبل یہ جوڑا ایک  سالہ ومیکا کو دنیا کی نگاہوں سے چھپا کر رکھتا تھا۔ عام طور پر انوشکا اور کوہلی جب بھی ومیکا کی تصویر شیئر کرتے تھے تو اس کا چہرہ پوشیدہ رکھتے یا پھر ومیکا کے عقب سے تصویر پوسٹ کرتے۔

دلچسپ بات یہ ہے کہ کوہلی نے نصف سنچری بنانے کے بعد جھولا جھولانے کے انداز میں اس بات کی عکاسی کی کہ یہ نصف سنچری بیٹی کے نام ہے۔ اسی سیریز کے دوران پہلے ون ڈے میچ میں کوہلی نے اُس وقت نصف سنچری اسکور کی تھی، جب ومیکا کی سال گرہ منائی جارہی تھی۔ بیشتر پرستاروں کا کہنا ہے کہ کوہلی کی بیٹی انوشکا کے بجائے اُن پر گئی ہے۔

بہرحال تیسرے ون ڈے میں کوہلی کی شاندار بیٹنگ کے باوجود بھارت 4 رنز سے ناصرف میچ ہارا بلکہ اسے تینوں ایک روزہ میچوں میں شکست کا داغ سہنا پڑا۔