این سی او سی کو مکمل بحال کرنے کا فیصلہ

نیشنل کمانڈ اینڈ آپریشن سینٹر جسے وقتی طور پر بحال کیا گیا تھا لیکن اب ملک بھر میں بڑھتے ہوئے کورونا کیسز کے پیش نظر فیصلہ کیا جارہا ہے کہ این سی او سی کو مکمل بحال کردیا جائے۔ اس سلسلے میں وزیراعظم شہبازشریف کی صدارت میں اہم اجلاس بھی ہوا، جس میں کورونا کیسز کا جائزہ لیا گیا۔ شہباز شریف نے حکام پر زور دیا کہ وہ وبا سے بچاؤ کے لیے فعال اور سرگرم ہوں اور عوام میں اس بات کا شعور پھر سے اجاگر کریں کہ کورونا وبا کس قدر خطرناک ہے۔ اس حوالے سے یہ بھی فیصلہ ہوا کہ وائرس سے محفوظ رکھنے کے لیے تمام تر ضروری اقدامات کیے جائیں گے۔