بھارتی شہر غازی آباد کے شہریوں کو تیندوے نے گھر وں میں قید کردیا

بھارتی ذرائع ابلاغ کی رپورٹس کے مطابق سی سی ٹی وی کیمروں کی زد میں غازی آباد کے علاقے راج نگر میں رات میں ایک خطرناک تیندوے کو آوارہ گردی کرتے ہوئے دیکھا جاسکتا ہے۔ اس فوٹیج کے منظر عام پر آنے کے بعد رہائشی اس قدر خوف و ہراس کا شکار ہوگئے کہ گھروں سے باہر قدم نکالتے ہوئے بھی ڈر رہے ہیں۔محکمہ وائلڈ لائف کو اطلاع دی گئی تو اُس نے اب اس تیندوے کی تلاش کا آغاز کردیا۔مگر 2دن کی محنت کے باوجود ابھی تک یہ تیندوا ہاتھ نہیں آیا۔ یہی وجہ ہے کہ راج نگر سیکٹر13کے رہائشی رات کیا دن میں بھی گھروں سے نکل نہیں رہے۔ اسی بنا پر محکمہ وائلڈ لائف کے اہلکار پورے علاقے میں گھوم رہے ہیں، جو اس بات کی تیاری کررہے ہیں کہ جیسے یہ تیندوا نظر آیا، اسے جکڑ ا جائے۔