بہادر ہارکر بھی بہادرجبکہ بزدل جیت کر بھی بزدل رہتا ہے: والد بابراعظم

ٹی ٹوئنٹی ورلڈ کپ کے دوسرے سیمی فائنل میں پاکستان کی شکست کے بعد قومی ٹیم کے کپتان بابراعظم کے والد اعظم صدیقی نے قومی کھلاڑیوں اور پاکستانیوں کے لیے خصوصی پیغام جاری کردیا ہے۔ انسٹاگرام پر انہوں نے اپنے چھوٹے بیٹے سفیر اعظم کے ہمراہ اسٹیڈیم میں لی گئی تصویر شیئر کرتے ہوئے ایک پوسٹ کی۔ جس میں انہوں نے لکھا کہ کھلاڑیوں نے کوشش کی پر اللہ کو منظور نہیں تھا، ٹی ٹوئنٹی ورلڈ کپ میں پاکستانی ٹیم کو سفر ختم ہوا لیکن میں آپ کو یقین دلاتا ہوں کہ اصل سفر تو اب شروع ہوا ہے، آگے کرکٹ بھی بڑی ہے اور ایک سال بعد پھر آسٹریلیا ورلڈ کپ ہے۔ کپتان بابراعظم کے والد کے مطابق اُنہوں نے کہا کہ اس ورلڈ کپ کے دوران ٹیم نے جان لگا دی، یک طرفہ میچ نہیں ہارے لہٰذا اب بھی ٹیم کو آپ لوگوں کی ہمت اور پیار کی ضروت ہے۔ والد اعظم صدیقی نے کہا کہ ایک اصول ہے بہادر ہار کر بھی بہادر رہتا ہے جبکہ بزدل جیت کر بھی بزدل ہی رہتا ہے۔ اُنہوں نے کہا کہ اپنے کرکٹرز کو بزدل ہارے ہوئے دل شکستہ میں شمار نہ کیجیے گا، انشاء اللّہ یہی ٹیم قوم کے لیے بڑے بڑے کپ جیتے گی۔

 

View this post on Instagram

 

A post shared by Azam Siddique (@azam.siddique56)

 یہ پڑھنا مت بھولیں گا:

شاباش پاکستانی ٹیم۔۔ میچ نہیں تو کیا دل تو جیت لیے

آسٹریلیا سے ہار پر کوئی کسی پر انگلی نہ اٹھائے، کپتان بابر اعظم