جسٹس (ر) مقبول باقر۔۔ نئے چیئرمین نیب پر اتفاق

جیو نیوز کی رپورٹ کے مطابق مسلم لیگ نون ، پیپلز پارٹی اور اتحادی جماعتوں نے نئے چیئرمین نیب کے لیے جسٹس (ر) مقبول باقر کے نام پر اتفاق ہوچکا ہے۔ حال ہی میں آصف علی زرداری اور وزیراعظم شہباز شریف کی ہونے والے ملاقات میں اس کی منظوری بھی دے دی گئی۔ اس سلسلے میں قومی اسمبلی میں اپوزیشن لیڈر راجا ریاض کو بھی جسٹس (ر) مقبول باقرکی تقرری پر کوئی اعتراض نہیں۔ جسٹس (ر) مقبول باقر نے سندھ ہائی کورٹ سے سپریم کورٹ میں ترقی پائی تھی۔ امکان ظاہر کیا جارہا ہے کہ جسٹس (ر) مقبول باقرکو جسٹس ( ر) جاوید اقبال کی جگہ چیئرمین نیب تعینات کیا جائے۔