معین خان اور اعظم خان کا مریم انصاری کی شادی پر ڈانس

پاکستانی خوبرو اداکارہ مریم انصاری اور سابق کرکٹر معین خان کے بیٹے اویس خان کی شاندار شنیدی کی تقریب کراچی میں منعقد ہوئی جس میں پاکستانی شوبز انڈسٹری کے چمکتے دمکتے ستاروں نے شرکت کی جبکہ پاکستانی کرکٹ اسٹارز بھی اس تقریب کا حصہ تھے۔ شادی کی تقریب کی تصاویر اور ویڈیوز نے سوشل میڈیا پر بھی خوب دھوم مچائی لیکن جو سب سے زیادہ صارفین کی توجہ کا مرکز بنا وہ معین خان اور ان کے بیٹے اعظم خان کی ڈانس کی ویڈیو تھی، جس میں دونوں کرکٹ اسٹار کو گانے کی بیٹ پر جھومتے اور تھرکتے ہوئے دیکھا جاسکتا ہے۔

اس تقریب میں سوئنگ کے سلطان وسیم اکرم نے بھی شرکت کی تھی جبکہ دلہن کی بھابھی اداکارہ صبور علی نے بھی بھابی کا فرض بھرپور طریقے سے ادا کیا، صبور علی اداکار علی انصاری کی منگیتر ہے اور دونوں جلد شادی کے بندھن میں بندھنے والے ہیں۔