ُ ’بچپن کا پیار‘ گانے والا10سالہ بچہ حادثے میں شدید زخمی

بھارتی ریاست چھتیس گڑہ کے سکما میں یہ حادثہ اُس وقت پیش آیا، جب 10برس کے سہادیو دردو موٹر سائیکل پر شام میں جارہے تھے۔ ذرائع ابلاغ کے مطابق سہادیو بغیر ہیلمٹ کے تھے جبھی اُن کے سرپر زیادہ چوٹیں آئی ہیں۔ سہادیو کو فوری طور پر اسپتال لے جایا گیا۔ جہاں اِن کو بہترین طبی علاج فراہم کرنے کی ریاستی وزیراعلیٰ نے ہدایت کی ہے۔

سہادیو نے2019میں اُس وقت دھوم مچائی تھی، جب اُنہوں نے کلاس روم میں ٹیچر کے سامنے ایک گیت ’جان میری جانِ من بچپن کا پیار‘ کچھ ایسی لے میں گایا کہ یہ وائرل ہوگیا۔ سہادیو کے اس بھولپن انداز میں گنگنائے ہوئے اس گیت کو ریپر بادشاہ کو اس قدر پسند آیا کہ انہوں نے سہادیو کے ساتھ اس کا نیا ورژن بنا کر رواں سال اگست میں جاری بھی کیا۔جس کے بعد سہادیو کو کئی ٹی وی شوز میں بطور مہمان بلایا گیا۔