شوبز انڈسٹری میں اس وقت ٹاک آف دی ٹاؤن کوئی ہے تو وہ کترینا کیف اور وکی کوشل کی شادی، تقریبات سے لے کر شادی کا مینو، وینیو، کون سے مہمان مدعو ہیں تو شادی میں ہونے والی چھوٹی موٹی رسمیں، دونوں ستاروں کے مداح اس شاہانہ شادی سے متعلق ہر چھوٹی بڑی خبر کے بارے میں جاننا چاہتے ہیں۔ بھارتی میڈیا جہاں اس’ بگ فیٹ ویڈنگ ‘ کو فل کوریج دے رہا ہے وہیں پاکستانی میڈیا پر بھی اس شادی کے چرچے ہیں۔ میڈیا رپورٹس کے مطابق کترینا کیف اور وکی کوشل کی شادی عام روایتی بالی ووڈ ستاروں کی شادی سے غیرمعمولی شہرت اختیار کرچکی ہے جس کی وجہ کترینا کیف کی بالی ووڈ سلطان سلمان خان اور رنبیر کپور سے پہلے کی قربتیں ہیں جبکہ باربی گرل کا شادی کے سوال پرپہلے ’ناں‘ اور پھر وکی کوشل سے خفیہ ملاقاتوں پر کوئی جواب نہ دینا اور پھر میڈیا پر شادی کی چہ مگوئیاں انٹرنیٹ صارفین کے لیے توجہ کا مرکز بن چکا ہے۔ بالی ووڈ کی اس خوبصورت جوڑی کی شادی کی تقریبات کا باقاعدہ آغاز ہوچکا ہے جو 9 دسمبر تک جاری رہے گی۔
قدیم قلعہ میں پرتعیش تقریبات
کترینا کیف اور وکی کوشال کی شادی کی تقریبات راجستھان میں مادھوپور کے 700 سال پرانے قلعے 6 سینسز فورٹ میں ہوں گی جس کے لیے سیکیورٹی کے سخت انتظامات کیے گئے ہیں اور کورونا ایس او پیز کا خاص خیال رکھا گیا ہے۔ میڈیا رپورٹس کے مطابق اس قدیم کو پرتعیش اور عالیشان ہوٹل میں تبدیل کردیا گیا۔ جہاں شادی میں شرکت کے لیے آنے والے مہمانوں کا شاہانہ انداز میں استقبال کیا جارہا ہے۔ مہمانوں کے لیے لائیو قوالی، آتش بازی اور رقص کے خاص انتظامات کیے گئے۔ اس سے قبل بھارت کے کئی بڑی کاروباری شخصیات اور بالی ووڈ کے ستاروں نے جھیلوں کے شہر اودھے پور میں شادی کی ہے مگر مادھوپور میں یہ اپنی نوعیت کی پہلی شادی ہوگی۔
View this post on Instagram
مہمانوں کے لیے خصوصی ہدایت
کترینا کیف اور وکی کوشل کی شادی میں 120 مہمان شرکت کریں گے۔ اس دوران کورونا وائرس کی روک تھام کے انتظامات بھی کیے جائیں گے۔ تمام مہمانوں کے لیے لازم ہوگا کہ انھیں ویکسین کی دونوں خوراکیں لگی ہوئی ہوں۔
نو سیفلی، نو ریلز
وک کیٹ کی شادی میں آنا ہے تو نو سیلفی نو ریلز۔ شادی میں مدعو مہمانوں کو سختی سے تصویر لینے سے منع کردیا گیا ہے، کسی بھی مہمان کو تصویر لینے کی اجازت نہیں ہوگی جبکہ بھارتی میڈیا نے دعویٰ کیا ہے کہ اداکار جوڑی کو شادی کی فوٹیج کے لیے ایک اوٹی ٹی پلیٹ فارم نے 100 کروڑ روپے کی بھاری رقم دینے کی پیشکش کردی ہے تاہم کہا جارہا ہے کہ اداکارہ نے اس پیشکش کو قبول کرنے سے انکار کردیا ہے۔ اس سے قبل اسی او ٹی ٹی پلیٹ فارم کی جانب سے دپیکا پڈوکون اور رنویر سنگھ کو بھی ایسی ہی پیش کش کی گئی تھی۔
مہنگی ترین مہندی اور 7 گھوڑوں پر دلہے راجہ کی انٹری
بالی وڈ اداکار کترینا کیف کو شادی میں لگائی جانے والی مہندی کی قیمت جان کر آپ بھی حیران ہو جائیں گے۔ میڈیا رپورٹس میں دعویٰ کیا جارہا ہے کہ بالی ووڈ باربی ڈول کو ان کی شادی میں راجستھان کی مشہور سوجت مہندی تحفے میں پیش کی جائے گی، جس کی قیمت 50 ہزار سے ایک لاکھ بھارتی روپے یعنی ایک لاکھ سے دو لاکھ روپے پاکستانی روپوں سے زائد ہے لیکن اداکارہ سے اس کی کوئی قیمت وصول نہیں کی جائے گی۔ جبکہ دوسری جانب وکی کوشل نے بھی اپنایا ہے نیا انداز، اداکار اپنی دلہنیا کترینا کیف کو لینے سفید گھوڑے پر آئیں گے یوں وکی کوشل اپنی شادی میں 7 سفید گھوڑوں کے ہمراہ شاندار انداز میں انٹری دیں گے۔
رنبیر کپور کے گانوں پر پابندی
بھارتی میڈیا رپورٹس کے مطابق کترینا کیف کی شادی پر رنبیر کپور مدعو نہیں ہیں مگر رنبیر کپور کی حالیہ گرل فرینڈ اور اگلے سال ہونے والی اہلیہ عالیہ بھٹ شرکت کریں گی۔ تاہم تقریبات میں اُن گانوں پر مکمل پابندی ہوگی، جو کترینا کیف نے رنبیر کپور کے ساتھ عکس بند کرائے ہیں۔ رپورٹس کے مطابق کترینا اور وکی کی خوبصورت جوڑی متعدد مشہور گانوں ’کالا چشمہ‘، تیری اور‘ اور دیگر گانو ں پر اپنی ڈانس پرفارمنس بھی دیں گے۔
سلمان خان کے باڈی گارڈ شیرا بھی مدعو ہیں؟
بھارتی میڈیا کے مطابق کتریناکیف اور وکی کوشل کی شادی میں 120 ہائی پروفائل شخصیات شرکت کریں گی، اس شادی کے دوران راجھستان میں واقع ریزورٹ کے باہر نقل و حرکت بند کر دی جائے گی اور سیکیورٹی کے انتظامات بھی غیر معمولی سطح پر ہوں گے۔ اس ہائی پروفائل سیکیورٹی کی ذمہ داری ٹائیگرز سیکیورٹی کے اہلکار انجام دیں گے۔ یہ وہی ٹائیگرز سیکیورٹی کمپنی ہے جس کے سربراہ سلمان خان کے طویل عرصے سے رہنے والے باڈی گارڈ شیرا ہیں تاہم یہاں یہ واضح نہیں ہے کہ سیکیورٹی سلمان خان کے کہنے پر دی گئی ہے یا پھر کترینا اور وکی نے ذاتی طور پر ٹائیگرز سیکیورٹی کا ہائر کیا ہے۔
Discussion about this post