یاسر شاہ کو ملی راحت، مبینہ زیادتی کیس میں بے قصور

اسلام آباد کے تھانہ شالیمارمیں درج ایف آئی آر میں سے اب لیگ اسپنر یاسر شاہ کا نام خارج کردیا گیا ہے۔ اس کی وجہ یہ بیان کی جارہی ہے کہ زیادتی کا الزام لگانے والی متاثرہ لڑکی نے اس بات کا اعتراف کیا ہے کہ پاکستانی لیگ اسپنر یاسر شاہ کا نام غلط بیانی کی باعث ایف آئی آر میں شامل کیا گیا۔ جس کے بعد پولیس کا بھی یہی کہنا ہے کہ یاسر شاہ کا مبینہ زیادتی کیس سے کوئی تعلق نہیں بنتا۔ پولیس کی طرف سے ایف آئی آر کی ضمنی رپورٹ جاری ہوچکی ہے۔

یاد رہے کہ دسمبر میں 14 برس کی لڑکی کے ماموں کی مدعیت میں ایک ایف آئی آر رپورٹ ہوئی تھی، جس میں یاسرشاہ اور ان کے دوست کی طرف سے جنسی زیادتی اور لڑکی کو دھمکانے کا الزام لگایا گیا تھا۔ پولیس کا مزید کہنا تھا کہ اس کیس میں اب وہ لڑکی کے موبائل کا فارنزک جائزہ بھی لیا جائے گا اور اس بات کی تصدیق کی جائے گی کہ کہیں موبائل فون میں یاسر شاہ کی آڈیو ریکارڈنگ تو نہیں۔

اسی بارے میں مزید جاننے کے لیے کلک کریں: 

لیگ اسپنر یاسر شاہ پر لڑکی کو ہراساں کرنے کا الزام

یاسر شاہ کا کیس دیکھ رہے ہیں کتنی صداقت ہے، رمیز راجہ

ایشزٹیسٹ میں آخرپاکستانی لیگ اسپنر یاسر شاہ کا کیا کام ؟